أغرب الاضطرابات النفسية
فحياتنا ضروري نكونو سمعنا او حتى شفنا ناس قراب او بعاد مصابين بأمراض نفسية
شهيرة وشائعة في كل المجتمعات، بحال القلق والفصام والوسواس القهري والهوس والإدمان وغيرها من الأمراض. لكن كاينين أمراض نفسية أخرى أقل شيوعاً وأكثر غرابة تيتصابو بها شي ناس لأسباب متنوّعة، منها لي تتلقاهم عند بعض الشعوب دون غيرها. و ضغوط الحياة عموماً والمشكلات الأسرية والإجتماعية المتنوعة التي يواجهها الفرد هي المسبب الرئيسي لهاد الاضطرابات النفسية. لكن بعض الأمراض تيبقاو أسبابها مجهولة و غامضة، و كتعتبر غريبة للطبيعة ديال الأعراض ديالها و الطريقة لي تتبان فيها عند المصابين بها.هنا غندكرو عدد من أغرب الأمراض النفسيّة لي ممكن تصيب الإنسان.
- التهام الذات Autophagia 
بحسب علم النفس، الشخص لي عندو هاد الاضطراب يعمد الى قضم أو يمضغ أجزاء من جسده باندفاع و بلا احساس بالالم. وهاد الاضطراب تينتج من عدم القدرة على التحكم بالذات، و تبدى فالاول بمجرد قضم الأظافر و تيوصل لمشكلة كبيرة بمضغ المريض لأصابعه!
- الهوس الشبقي Erotomania 
الشخص المصاب بالهوس الشبقي تيبان ملي تيبانو عليه بعض العلامات لي منها تيتبع أي واحد تيعتاقد بلي يقدر يخطف ليه ولا يتبسل ليه على حبيبتو. لكن الحبيبة تتكون ضحية ديال المريض، حيث يقدر يخطط للاعتداء على الناس لي تيظن بلي غيمنعو الاتصال ديالو بها، و يقدر ميترددش و يرتاكب عمل إجرامي باش يرضي الحبيبة الضحية!
- هوس الكتب Bibliomania 
هي حالة متطرفة من حب الكتب، و الأعراض الأولى تقدر تبان من الصغر من دون أي ملاحظة. والإشارات الأولى لهوس الكتب تتبدى بالشعور بالبهجة والسرور ملي تتشوف أي كتاب، و دغيا تيتقلب الأمر للرغبة في أنك تشري و تقرى أي كتاب من أي نوع و أي لغة واخا ميكونش تيعرفها ظنا منو انه يقدر يتعلمها من بعد، و يا ويل شي حد يقول ليه سلفني شي كتاب نقراه. أما المرحلة المتقدمة منو فتتوصل للرغبة في تجميع أكبر عدد من الكتب على افتراض إمكان الإستفادة منها شي نهار. ومن صفات البيبليوماني أنه الا احترق بيته فأول ما يفكر بإنقاذه هما الكتب الخاصة، و تيكون في قمة البهجة ملي تيحضر معارض الكتب أو يسمع بإقامتها فشي بلاصة. ومهووس الكتب تيعجبو يلبس النظاظر الطبية، و تتجيه الشقيقة ملي متيقدرش يتخلى على شي كتاب حيت تيعرف بلي وصل الوقت المناسب باش يستافد منو. ومن المهم التفريق بين "البيبليوماني" و لي تيضطر للقراءة بغرض الدراسة، و من بعد تنقطع علاقته بالكتب و تيمشي يبيعها من بعد لمول الزريعة ملي تيقضي الغرض و يفاليدي، أما "البيبليوماني" فعلاقته مع الكتب ما تتنقطعش إلاّ بدخوله القبر!
- توهّم كابغراس Capgras Delusion 
حالة مرضية تتخلي المريض بها تيتوهم بلي شي فرد من أفراد عائلتو بدلوه أو عوضوه بشخص آخر تيشبه ليه، وفيها تيقنع المريض راسو بأن التغيير ديال هاد القريب أكيد حيت مثلا تبدل السلوك ديالو و ولى أكثر قسوة مثلاً، أو حتى يقدر بدلوه بشخص محتال يملك ملامح مماثلة باش ينفذ شي خطة ضد العائلة.
- توهّم فريغولي Fregoli Delusion 
توهّم فريغولي حالة نادرة ومعاكسة تماماً لتوهم كابغراس، ففيها تيتوهم الشخص أن جميع الأشخاص المحيطين به ما هما إلاّ شخص واحد تيتغير الشكل ديالو أو تيتنكر بطريقة متقنة للغاية، وتيقوم بالمطاردة ديالو وإزعاجه دائماً.
- هوس نتف الشعر Trichotillo Mania 
هوس نتف الشعر اعتلال نفسي تيخلي الشخص ينتف شعرو بلا شعور بشكل دائم، شعر رأسه أو لحيته أو أنفه أو إبطه الى أن يكشف بشرته. و عندو مراحل، يقدر يكون بسيط ملي تيتوقف المصاب حين يتنبه لتصرفاته، أو متقدم ملي ما يتهنا حتى ما يخلي حتى زغبة فالجسم ديالو.
- أندروفوبيا Androphobia 
الأندروفوبيا هلع مرضي مرتبط بالخوف الكبير ديال البنات من العنصر الذكوري، و أسبابو مرتابطة بالطفولة لي عاشتها الفتاة، حيت الى عاشت فوسط اجتماعي شديد و قاسي. فهاد الحالة اي تجربة سيئة دوزاتها البنت او اذا تعرضات لحادثة أليمة تيتم ربطها مباشرة بـ "جنس الذكور" ولا تستطيع الفتاة تخطيها. وغالباً ما تتبدا هذه الحالات من "الفوبيا" في مطلع العشرينات او أواخرها، و بسبابها تقدر البنت ترفض الزواج بشكل قطعي.
- بوأنثروبي Boanthropy 
هو توهم غريب جداً تيولي المصاب به تيتخيل راسو بقرة أو ثور، والبعض تيعتقد بلي هذا الاضطراب تيبدى بحلم ويتطور كي يستمر من بعد في اليقظة والوعي، ليصبح مع الوقت جزء من واقع المريض لي تتولي تصرفاته مشابهة لتصرفات البقرة أو الثور كأن يأكل العشب مثلاً! من أشهر من أُصيب به تاريخياً ملك بابل نبوخذ نصر لي خرج الى المراعي ياكل الأعشاب!
- متلازمة ستاندال Stendhal Syndrome 
هي اضطراب نفسي تيخلي ضربات القلب ديال المصاب تتسارع و تيحس بالدوخة والارتباك والسخفة و الهلوسة ملي تيشوف الشخص أي صورة جمالية فنية راقية، خصوصا إذا كان هذا الفن فيه قدر عال من البراعة والجمال و كاين في مكان واحد بحال المتحف ديال لوفر. و نقدرو نخدمو هاد المصطلح للتعبير عن ردة الفعل لي تتوقع ملي تيكثر الشخص في القيام بأمر ما أو التعرض لشيء ما بالاختيار ديالو في ظروف مختلفة، مثلا ملي تيكثر من الوقوف منبهرا لمدة طويلة ملي تيشوف منظر طبيعي مدهش.
- متلازمة باريس Syndrome de Paris 
اضطراب تيقيس اليابانيين فقط، تيخليهم يحسو بانهيار عقلي ملي تيزورو العاصمة الفرنسية، فمن بين الملايين من السائحين اليابانيين لي تيزورو باريس سنويا، تيتصاب بهاد المتلازمة العشرات منهم، حيت تيبداو يحسو بالتعب و الصدمة و تيضطرو يديرو دوميتور و يرجعو فحالهم لبلادهم. علاش؟ ببساطة حيت تتجيهم صدمة ثقافية، فباريس مرتبطة بعقول اليابانيين بصورة مثالية راقية قاموا برسمها من صغرهم ملي كانو تيتفرجو فالأفلام السينمائية الكثيرة لي شافو فيها جمال المدينة وحضارتها العريقة، ولكن ملي تيجيو على أرض الواقع تيتعرضو لصدمة ثقافية حيت تيلقاو صورة مغايرة تماما تتميز بالسرعة والنشاط والحداثة والصخب والضجيج تختلف تماما على الصورة لي رسمو في مخيلتهم.
- كاروشي أو إدمان العمل Karōshi 
غنبقاو ديما مع الاضطرابات عند اليابانيين، و تيتجلى بالخوف من ترك العمل وعدم الرغبة بأخذ أي إجازة، وصلات هاد الحالة في اليابان أقصاها بعد وفاة مئات الموظفين بسبب العمل لأكثر من 16ساعة في اليوم. و ابتكر اليابانيون كلمة خاصة لهاد الظاهرة سماوها "كاروشي" دخلت قبل أعوام قواميس علم النفس وتتعني الموت نتيجة الإفراط في العمل!
- متلازمة استوكهولم Stockholm syndrome 
هي استجابة نفسية تيحسو بيها في بعض الأحيان الرهائن أو الأشخاص المختطفين، بحال علامات التعاطف، أو الإخلاص أو حتى الإذعان التام بكامل الإرادة للمجرم أو المسؤول عن الخطف و تيوصل لدرجة حب المجرم، بصرف النظر على الخطر لي يقدر يحصل للرهينة نتيجة هاد التعاطف أو الخضوع. و دكرو العلماء وجود المتلازمة في حالات أخرى في الحياة بعيدا عن الخطف، ملي حضرت المتلازمة في حالات ضرب الزوجات والاغتصاب والتعدي على الأطفال. و التسمية تترجع للسطو المسلح على أحد بنوك استوكهولم، قدرو المجرمين من الاحتفاظ بالموظفين ديال المصرف كرهائن لمدة 6 أيام ربطت علاقات بين الرهائن والخاطفين عاطفيا، مما منع الموظفين من الشهادة ضد الخاطفين فالمحاكمة!
- متلازمة ديوجين Diogenes Syndrome 
تترتبط بالإهمال الحاد للذات والميل للعزلة بشكل متطرف، لي تيخلي الشخص عندو رغبة عارمة في التملك وغالبا ما تكون لامتلاك الحيوانات. كبار السن هم الأكثر عرضة لهاد الإصابة وتتكون عادة مصحوبة بانهيار جسدي أو عصبي أو عقلي مرتبط بالخرف. وسميت ديوجين نسبة الى الفيلسوف الإغريقي ديوجين لي اعتاد العيش في برميل نبيذ، واشتهر باعتناقه ودعوته لمبادئ خاصة بالمذهبين الفلسفيين العدمية والحيوانية.
- توهم كوتار Cotard Delusion 
من أندر حالات التوهم لي يقدر يعانيها الإنسان، وفيها تيتوهم الشخص سواء كان رجل أو امرأة أنه ميت و ما عندوش وجود على الإطلاق، أو أنه تيفقد الدم و الأعضاء الداخلية ديالو أو أنه يتعفن تدريجيا، وفي بعض الحالات النادرة ارتبط هذا التوهم بفكرة تتعلق بفكرة الخلود.
- اعتلال الذاكرة المتكرر Reduplicative Paramnesia 
هو وهم عند المريض تيعتقد بلي اي مكان يمكن أن يتكرر أكثر من مرة، أو أنه يمكن أن يكون في مكانين أو أكثر في الوقت نفسه، أو أنه نقل من مكان إلى آخر مطابق تماما. وهي معتقدات خاطئة حتما، لكن رغم ذلك فهي تتخلي الشخص المريض يبحث على أدلة يثبت بها بلي هو ماشي في عالمه الذي يعرفه وعاش فيه من قبل، ولكن فعالم موازي تيشبه ليه.
تعليقات
إرسال تعليق