كيفاش نستعد L'ENTRETIEN ؟ الجزء التالث
فهاد الجزء غادي نهضروا على لي ما عندوش تجربة أو خبرة عمل !
من بعد ما صاوبت CV و LM و استعديت نفسيا و دخلت المكتب L' entretien و جلست و تمكنت من نفسي جيدا ... شنو مطلوب مني تاني ! 
...
...الجملة الشهيرة :
ما عنديش L’expérience حيت مازال ما خدمت حيت ماعنديش L’expérience حيت.. حيت.. حيت .....
حتى لفوقاش؟
الجزء الثاني كان على L'entretien للناس لي فايت عندهم تجربة Professionnel يعني غادي يبدلو الخدمة.
أما بالنسبة لي عاد غادي بدا كيبقا يسول راسو ما عندي تا تجربة Pro، كي غادي ندوز هاد L'entretien ؟
حباس آ سي، هادا أول خطأ، بالنسبة لبوعو راه عندك تجربة، و لي هي :
ال formation ديالك، السطاجات، دوك الخديمات الصغار إلا كانو ، الأعمال الجمعوية و ال motivation ديالك... يعني إلا ماركيتي هاد النقاط فوسط الماتش راك مزيان. تفاهمنا !
لا بلاتي آجي تفهم مزيان 
أول حاجة نبداو ب ل Formation :هادي أول و أهم نقطة، كايخصك ت valoriser الفورماصيون ديالك و تهضر عليها بذكاء، تبين بلي راها كانت اختيار ديالك و قتانعتي بيها بكل نضج و قناعة، علاش هاد الإختيار بالضبط ؟ آش استافدتي منها ؟ من الأساتذة ؟ من الإحتكاك معا صحابك ؟ آشنو هما القيم ديال المدرسة ديالك ؟ واش كنتي فشي Club تما ؟ آش درتي فيه ؟ بروجيات علاياش خدمتي ؟ ل présentation المهمين لي درتي فشي amphi ؟ ...
عطا الله آش تقول هنا، و كانظن راه بانولكوم Les qualités لي غادي يدي عليهم بوعو إلا عطيتيه بحال هاد المعلومات.
(بطبيعة الحال ما تعاينوهش يسولكوم هو هادشي كامل، غير يقولك هضر ليا على La formation ديالك نتا بدا تعطيه حاجة بحاجة، ما تعرضش، سير بالشوية عليك ما حدك كاتهضر و اهتمامو كايزيد... )
ثاني حاجة، الحافز Motivation ديالك :هنا غنات مي كلثوم و قالت بلي الأغلبية ديال Les recruteurs أو بوعويات ما كايحسوش ب Les candidats الجدد فعالم الخدمة Motivés. هي شوية فشكل حيت إلا ما بينتيش نتا بلي راك متحمس تخدم معاهوم و ماقلتيش علاش، ما غاديش يسولك عليها بوعو... و هما براسهم كايقولو بلي من الغباء مايسولوش عليها و لكن هادشي بقا هاكاك منذ القدم.
و بالتالي كنصيحة، بوعو لي قبالتك راه كايبقى منتبه و مركز مزيان فبنادم لي يزعزعو بالرغبة ديالو فالخدمة، و يبين ليه بلي راه متعطش باش يتعلم، و يكون طرف من ديك الشركة لواحد السبب معين.
قبل ما نسا، دوك الكليمات ديال غوغل ولا لي كلشي كايقولهم ديال "votre E/se est connue à l'international" و "grâce à vous je vais mettre en pratique mes connaissances" و
"je souhaite avoir une expérience dans une entreprise comme la vôtre"..
راه والله حتى حفضوهوم و طلعو ليهوم فالراس.
(بين قوسين بوعو لي عندنا كان كايدوز لبنادم و كايقولو لاش جيتي لهنا؟ يالاه بدا ديك "Votre entreprise est connue" و هو يكملهالو قالو هادشي عارفينو زيد كمل، السيد سكت و بقا معجب قالو كي درتي عرفتيني غادي نقول هادشي؟... يمكن ليكوم تخيلو بشاعة المنظر...).
راه ل"Recruteur" عارف ڭاع داكشي لي غادي تعرض عليه من غوغل حيت سمعو تا طاب بيه، ولكن إلا جيتي نتا وقلتيلو آش غادي تعطيه فالشركة من خلال القدرات ديالك و آش كاتعرف دير و تبين ليه بلي راك تموت و تخدم تما، هنا درتي الإستثناء. ثالث حاجة و لي هي Les stages ولا دوك الخديمات الصغار لي درتي :السطاج هو وجهك فالمقابلة، بيه كاتكالي الصهد و كاتتبت بوعو... ولكن خاصك تعرف تهضر عليهم، تقدر تكون مدوز 100 سطاج و إلا ما عرفتيش تهضر عليهم غير زيدهوم فراسك. (خودها هاكا من عندي من دبا والله)
آلوغ فاش تجبد السطاجات، Il faut les lier مع هاد 3 ديال الحويجات العجيبين :
"La capacité de comprendre l’environnement de travail""La culture d’entreprise""Le mode organisationnel"و تهضر فإطار هاد السياقات ب 3 حيت غادي يبقاو يزنزنو فودن 
بوعو مور ما تمشي بحالك.
بوعو مور ما تمشي بحالك.بعد المرات بوعو كايكون مزكر شوية و كايقلب على شي حد مسطاجي فنفس "Secteur de travail" ديال هاديك الشركة، ما عليك إلا تجي موجد راسك و لاقي أوجه التشابه بين سطاج ديالك و الخدمة لي راك مقبل عليها، و تبين ليه بلي راك عرفتي التحديات لي كايتطلبها سوق الشغل و المعيقات ديالو.
ندوزو دبا هادوك الخديمات الصغار إلا كانو، دوك الخديمات باش كنتي كاتصور مصروف فاش كنتي كاتقرا، لي خدم فماكدو، لي دار سوايع، ...الخ...ماتحڭروش هادشي و تحيدوه من ال CV راه كاينفع، هاديك الخدمة الحقيرة لي درتي و مخبعها هي لي شكلات شخصيتك و برداتك، بوعو ما كايشوفش فيها شي حاجة ناقصة بالعكس، نتا غير ديرها "En qualité" و هضر عليهوم بذكاء وهو غادي يفهم فيها مثابرة و قوة احتمال و صبر و حسن تدبير و مسؤولية.
شوف الفرق بين لي يهضر هاكا و لي يقول Je suis rigoureux ...
كاين لي ما دوزش بحال هاد الخديمات، ما كاين مشكل، تقدر تكون عندك تجربة فالعمل التطوعي، فالجمعوي، فالرياضي، المهم تكون داير شي حاجة فحياتك من غير قراية و سطاج، و لي منها تقدر تبين "Les qualités" ديالك.كايبقاو les techniques ديال الهضرة راه تاهوما مهمين خاصك تعرف توظف غير الكلمات و ها نتا حجيتي ...مرة أخرى نعاود نقولها، مبتدئ فعالم الخدمة ماكاتعنيش ما عندكش تجربة ... خاصك تعرف بلي هداك بوعو فاش كاتچلس قبالتو كايكون كايشوف فيك نبض جديد للشركة ديالو، واحد الفضول، أفكار جداد، سهولة فانتقاء المعلومة و نفس جديد لفريق العمل ... خاصك غير تكون قد التوقعات ديالو و علاش لا تفوتها كاع.
إلا كان هاداك لي قديم فالشركة كايقدم واحد الجودة ويعول عليه، ف"المبتدئ" مكمل ضروري للتطور ديالها.
تيق فراسك و واخا ترفض ما تعياش، دفع و عاود و عاود راك فالمغرب، تا حاجة ما ساهلة.
ب.س 1: المغرب صعيب تلقى فيه لخدمة متافقين، ولكن هادا ماشي مبرر ليك باش تقولو إلا ما جبتيش خدما و چالس مشومر... المغرب كولو مامزيانش؟ تا شركة ما خدماتك ونتا لي مزيان؟ علاش ما فكرتيش بلي نتا لي فيك الديفو؟ بلي نتا لي ما فيدكش؟ ماشي ما فيدكش زعما راسك خاوي، ما فيدكش كاتهبط يديك للأرض دغيا و كاتعيا دغيا، باغي دفع تخدم نيشان ... ب.س 2: ما تنساش بلي راك ولد الشعب و إلا بغيتي الحاجة خاصك تقاتل عليها، الساهلة راه عمرك تشمها فهاد البلاد، نهار تقتنع بلي ما غاديش تجيبها باردة، ديك الساعة غادي تقاتل المرة الأولى و الثانية و ال30 تاتجيبها... تقبل بلي المصير ديالك هو تعصر مخك مزيان ولا ضرب تمارة وتعرق و تنشف و طيح و تنوض حتى توقف على رجليك، تجيب خدمة تجيبها كيما دارو خوتك.و فالأخير طاكي صاحبك لي مازال ماخدام و كولو يستافد.
وماتنساش ستافد وشارك معا الحباب
تعليقات
إرسال تعليق