كيفاش نستعد L'ENTRETIEN ؟
من بعد ما صاوبتي CV و LM و تاصلو بيك تمشي تدوز L'entretien و لي هي مرحلة آخيرة لي كاتفصل بينك و بين واحد Poste لي كاتطمح توصل ليه.
هاد الموضوع غايتكون من 3 أجزاء لي هما :
الجزء الأول : قبل ما ندخل و كيفاش نستعد نفسيا
الجزء الثاني : ل Entretien لي مازال ما عندوش خبرة عمل
الجزء الثالث : ل Entretien لي فايت عندهم خبرة عمل.
الجزء الأول ||| قبل ما ندخل و كيفاش نستعد نفسيا |||
الخدمة طلب كبير من المطالب لي الشباب و الشابات كيطالبو بيها، و لكن قبل ما تدخلو لسوق العمل
واجب عليكم تعرفو و تجمعو شي معلومات بخصوص الخدمة و قبل من هادشي كامل واجب عليك تعرف شنو هيا الطريقة المثلى و المزيانة باش تدوز مقالبة ديال العمل.
و من خلال المساعدة ديال أخصائي فالموارد البشرية جمعت ليكوم شي نصائح لي واجب عليكوم ديرو بيهوم ملي تكون تدوزو مقابلة العمل.
خدم على الصورة ديالك، أي بتعبير اخر، لبس مزيان و بعد من القوامج المخططين و الكسوة و لا الكوستيم، من المستحب يكون لونو زرق مغموق و لكرافاطا لون واحد.
اللحية نقص منها وشعر ما تخليش غوفالا و ما تشوكش شعرك خلي راسك عادي كذلك لبنات لباس محترم بالحجاب ولا بلا حجاب خليك عادية جدا حيث كانأكد ليكم 50% ديال نجاح ف Entretien كايلعب على المظهر و شخصية ديالك و التصرفات.
أول شيء ملي يجيك إتصال باش دوز Entretien سير وجد راسك مزيان و عاود صاوب CV و قراه مزيان و عرف t présenter راسك بلا أخطاء
تفكر شحال من إمتحان دوزتي شحال قريتي شحال دمرتي باش يوصل هاد نهار غا تجي ف ظرف 15 دقيقة ولا أقل غا تحصل لا ما تحصلش حيث حنا هنا باش تزيد تستفد و تعلم
إذن من بعد ما نتأكد من راسي و نثيق فراسي مزيان،
||| كيفاش تنجح فأي مقابلة عمل Entretien ||| الأغلبية فاش كايمشي يدوز شي Entretien كايسطريسا بزاف كايتلف و ما كايعرف مايسبق ولا يوخر.. علاش؟ حيت داير فبالو بلي غادي يتقابل معا بوعو و خاصو يبان واعر بزاف باش يقنعو، تايصدق مضيع لبلان.
أول شيء كيلاحظ Recruteur هي طريقة الدخول ديالك للمكتب و طريقة للجلوس و حتى كيفاش كاتكلم. إلا لحظتو أغلبية ديال مكاتب Recruteur كايكون موجه للباب باش يلاحظ دخول ديالك و يوزنك حيث عارفك غاتكون خايف، فحين أن هاد Entretien مجرد أخد و رد بين 2 ناس Professionnels ماشي استجواب ولا استنطاق... مقابلة العمل بكل بساطة كاتساق و خاصك تشد الڤولون مزيان.
مع دخلة ديال المكتب دق حتى يقول ليك تفضل عاد دخل، حاول ما تواليش ظهرك ل Recruteur، غلق لباب و انت كا تشوف ف recruteur وابتسم،
من لباب لمقعد خلي راسك كاتشوف ف recruteur، ما تزربش باش تكلس،
ما تجلس حتى يقولك تفضل، جبد عندك لكرسي عاد كلس،
عطيه CV و من حقك تخلي قدامك CV باش تبقى متبع معاه.
ملي كتجلس فالكرسي جلس مزيان و مرزن و ظهرك واقف و كتافك كذلك، هدا أول شيء نصحك بيه، بهاد الإشارة كتكتسب الثقة بشكل تلقائي؛ إلى كان الظهر ديالك مقوس فمن الواجب عليك تجر ظهرك للور باش تبينوا واقف.
ما تشوفش ل Recruteur نيشان فعينيه، عوض ماتشوف للشخص لي كيدوز ليك مقابلة الشغل فعينيه، شوف ليه فالوجه ديالو أي فالجبهة ديالو و الخبراء كيأكدوا بلي ملي كتشوقف للشخص فعينيه مباشرة فذلك كيتعتبر عامل من عوامل تخويف الشخص الاخر.
استخدم يديك ملي تكون كتهضر، ملي تكون مامتأكدش من اش كادير بيديك خلال المقابلة ديال العمل فماتخاف ماتدهش يمكن ليك تحرك يديك أثناء الكلام و بطريقة عفوية و لكن ماتكترش من الحركة بزاف لحقاش غادي تبان أنك متوتر و عوض ذلك حاول قدر الإمكان تبين الإيجابية ديالك و الثقة ديالك فالمتلقي، أما إلى جمعتي يديك فدلك يقدر يبين أنك شخص خجول و منعدم الثقة فراسو.
بالتالي خاصك فاش تكون قبالت ال "Recruteur"
تنفس مزيان خدم على التنفس باش يدوز الأوكسيجين لدماغك و ترتب أفكارك و طريقتك فالكلام قبل ماتهضر حيث من بين أهم الطرق للتخفيف من التوتر هي تخدم على التنفس بشكل صحيح، الخبراء كيأكدو على ضرورة التركيز على التنفس لحقاش راه جزء مهم من مقابلة العمل, و كيوصيو كذلك على التنفس مزيان ملي الشخص المحاور كيسولك شي سؤال و تبدا الاجابة ملي تسالي تما عملية الزفير.
و دير فبالك بلي داك بوعو راه تا هو بحالك فايق الصباح صاخط خاصو يفطر و .... قبل ما يدخل لخدمتو إلخ.. و بلي راك Professionnel كايهضر معا Professionnel، ما كاين لاش تسطريسا لأنك غادي دوز لقاء عادي غادي تهضر فيه على راسك، آش كاتعرف دير، و آش غادي تزيد للشركة لي جيتي ليها.
نتلاقاو فالجزء الثاني والثالث إن شاء الله و متنساش إستفد و أفد و كيفما وصلتلك الرسالة طاكي الناس اللي كاتعرف ... صحابك ... عشرانك ... باش كلشي يساتفد
تعليقات
إرسال تعليق