ماهي الانتاجية اولا productivity
اليوم غادي نهضرو على واحد الموضوع مهم ممكن يساهم في تغيير الحياة اليومية ديال اي واحد فينا اللي هو الانتاجية اولا productivity. كاين اللي خدام موظف اولا Business man ... كتلقاه مامساليش Program عندو مشارجي ب Les activités و لكن كيواجه مشكل فتنظيم الوقت و بالتالي الانتاجية ديالو كتكون ضعيفة ، و كاين النوع التاني اللي هو اصلا مسالي معندو ميدار مقابل التلفزة و الفيسبوك و الواتساب... نهار و مطال ، اولا جاب الله بدل Program كيطلع للسطاح اولا يخرج على برا يتشمس شوية. و هاد Productivity المهمة ديالها انها تموتيفي بنادم و تخليه ديما يكون اكتيف و ادير بزاف دالحوايج بطريقة نظامية و كاتقضي بها على الملل ...
دبا انا كيفاش يمكن ليا نكون Productive ؟ اول حاجة خصك تعرف انا قوة الارادة ( Willpower ) بوحدها مكافياش و باش تكون شخص فعال و اكتر انتاجية خصك متعطلش بدا دير داكشي اللي خصو يدار لأن اكبر عائق امام Productivity هو الدماغ ديالك اللي كيبدا يتخيل La tâche اللي نتا ناوي ديرها و ايلا بانت ليه كتطلب مجهود كبير كيبدا يركز على المهام الصغيرة و اللي ما عندها حتى شي اهمية ، و هنا كيجي الدور ديال Zeingarnik effect اللي كاتبزز عليك دير ديك La tâche تال النهاية و لا جاب الله مكملتيهاش كتحس براسك ممرتاحش و كتبدا تجيك افكار سلبية كيكون صعيب انك تغلب عليها ...
ملي كاتجي تشوف كاتلقى راسك النهار كامل ضيعتي واحد تلاتة دالسوايع ولا ساعتين مشات غير هكاك ما درتي فيها تا لعبة صافي ضاعت مشات، وبنادم ملي كيكون حاط Program وعارف اشنو خصو يدير مي ماكيديرش داكشي اللي كان حاط La cause اللولة اشناهي ؟ هي بعض المرات بنادم كايحط واحد Program كيخلع ! كيقول انفيق غدا في الصباح اندير traction انمشي لاصال انرجع انتعلم هادي غندير هادي غندير هاديك غاندير شي سبعين الف مليار حاجة !
المشكل هنا كيجي الغد ليه داكشي اللي دار ف Program كيجيه كتير صافي كيغلب عليه هو اصلا اشناهو البلان ؟ خصك تبدا صغير شوية بشوية ومع الوقت غتبقى تقادو حتى تولف و تقاد و T_ Ameliorer حتى طيح فهاداك Program ديال Les experts نتا باقي ما بديتيش باقي داك Momento معندكش، باقي ما شديتيش Le rythme ومن اللول حاط Program كيخلع متزربش شوية بشوية وحدة بوحدة ...اسيدي فيق اليوم دير غا traction صافي باركا تال غدا وقرا كتاب... واحد الوقيتة فاش غادي تولف غاتولي انك ماتبقاش تفكر باش دير ... غتولي دير ... غتولي عادة .
الحاجة الثانية اشناهي ؟ هي بنادم كيطيح في البلان ديال multitasking و task switching كيفاش ؟ كاين اللي كيبغي يتعلم اولا يدير بزاف دالحوايج فخطرة وحدة... انا براسي كان كيوقع ليا هاد البلان حيت Curious ( فضولي ) كنبغي نتعلم بزاف ديال الحوايج و انا اكثر واحد كنت كنطيح فهاد البلان كنلقى بزاف ديال Les cours en ligne كيعجبوني كاملين اش كيوقع هنا ؟ ملي كنبغي نبدا كنتلف مكنعرفش باش غنبدا تخايل ديك التلفة كتبقى ليك النهار كامل ونتا تالف و فهاديك لوقيتة اللي كتكون كتفكر باش غاتبدا كتجي ليك شي Distraction ( إلهاء ) من شي قنت اخر صافي وكاديسبيرسا ( مشتت _Dispersa ) مكتعرفش اشنو هو الفيلم ...
الاولويات هما اللولين غنبداو بيهم حيت اشناهو البلان ؟ داكشي لي كيكون عندنا خصنا نبداو به هو اللول كيكون اساسي و ديما داكشي اللي صعيب كاتأجلوا دونك لا نتا ديما كون عسكري غدا عندي Préparation غدا عندي Préparation ماشي تقول غدا خصني نبريباري و خصني نجمع بيتي، نتا جمعت بيتك ااه راه مزيان جمعتيه ولكن ماشي هو الأساسي اللي عندك ماشي الأولويات اللي كانوا عندك ، كتحس براسك بحالا درتي انجاز هو ما انجاز ما تا لعبة البيت خليه تال من بعد ... الأولويات ديرهم ف To do list باش ملي تبدا بدا ب La tâche اللي عندها اهمية كتر من الخراين و نسى عليا شي لاخر نساه نسى الورقة غادير هديك La tâche حتى تساليها ركز عليها بوحدها ساليها و ضرب عليها، متلا انا عندي Préparation داير Program غانقرا ساعتين، نقرا ساعتين ديالي تانسالي و ندوز لحاجة اخرى و دير فبالك اي Tâche بديتيها كملها... حيت دابا Problème اللي كيدير بنادم فاش يلاه كيبغي يبدا فاللول باقي ماشادش Le rythme كيقول غانفيق غدا نقرا ربعة دالسوايع تا مالك "وحش"... دابا شكيوقع ؟ غير كتبدا ديك خمسة الدقايق بلا متحس كتبدا تزيد Pare contre كاين بنادم تيقولك غدا غاندير Program نقرا ربعة دالسوايع، كيفيق غدا مكيقدش اقراها كاملة و ديك ربعة دسوايع كتلقى تلاتة السوايع ونص دازت ضحك تخربيق فايسبوك ... تشيكي هنا تشيكي لهيه او واحد تلاتين دقيقة ديال القراية هي اللي كانت.
دابا نتا مع راسك قول غانفيق نقرا ثلث ساعة و ربعين دقيقة ندوز باباها كلها ضحك و To do list ضروري تكون عندك ورقة تكتب فيها Les tâches اللي نتا ناوي ديرهم ااه by the way بعض المرات كتكون خدام كيطيحو ليك شي بلانات كتنساهم ديما واحد الورقة اخرى خليها معاك غير اطيح ليك شي بلان فبالك قيدو فديك الورقة باش ما تنساش و متخليهش يبقى يلعب ليك على دماغك ...
نديرو متلا عجبوك خمسة ديال الكتوبا معرفتيش انا واحد باش غاتبدا تقرا... دير اللي بغيتي المهم ختار كتاب واحد حيت الا اختاريتي كتاب واحد وركزتي عليه تقدر تساليه مثلا في شهر اولا خمسطاشر يوم ودوز للكتاب لاخر . اما الى بغيتي تقراهم كاملين و دختي ما غاتعرف ما تقرا وتقدر تبداهم كاملين وما غتكملش غادوز تا عام اتلقاك باقي واحل فنفس الكتوبا، بدا وحدة بوحدة حتى تسالي و دوز الاخرى حنا كنبداو بساهلة و كنبقاو غاديين حتى كنكملوا.
كيفاش نظم وقتي ؟ ايلا خدينا الموسيقيين على سبيل المتال كيدوزوا الوقت ديالهم فالتدريب المكثف ... كتبعها فترة ديال الراحة يعني مكيعتامدوش على قوة الارادة ( Willpower ) كيعتامدو على تنظيم الوقت ، و الدراسات اكدت ان غالبية عازفي الكمان 🎻 الكبار فالعالم كيتبعوا نظام تسعين دقيقة خدمة و عشرين دقيقة راحة و المعنى هو انك عوض متستنزف الطاقة ديالك نهار كامل حاول توزعها على شكل فترات و بهكا غتكون عندك فعالية كتر ...
كيفاش نكون منضابط و متبع هاد الروتين ؟ كاين البلان ديال Deadline ( الموعد النهائي ) اللي كيعطيك مهلة باش دير واحد الهدف اللي باغي تحققو على المدى القريب او المتوسط ... و هادي كاتعتبر من الطرق الفعالة اللي غاتساعدك باش تنجز المهمة ديالك فالوقت المحدد .
و فاللخر اهم حاجة نقولها لك بدا شوية بشوية بحال ملي كتريني كادير واحد Mouvement غاتخربقها غايجي عندك L'entraîneur ايقوليك مشي هكا ... بحال هكا حتى تولي تقن ديك الحركة و دير فبالك Expercising continuous Improvement صافي اليوم غدا اليوم غدا ... حتى تقادها.
ايلا قريتي المقال و عجبك حاول تفاعل معاه و تبارطاجيه مع الأصدقاء ديالك كدعم لينا من اجل مزيد من العطاء و ضمان الاستمرارية ...
تعليقات
إرسال تعليق