كيفاش ندير باش نستمتع بالحياة ؟
امتى كانت آخر مرة استمتعتي فيها؟ و لا امتى كانت اخر مرة نسيتي فيها مسؤولياتك و حاولتي تعيش حياتك؟ فكر فهاد الأسئلة مزيان. وايلا كانت هاد الأسئلة افتراض من الإفتراضات اللي مامخلياكش تعيش حياتك و تستمتع بيها، كمل لقراية ديال هاد الموضوع باش تعرف على 8 ديال الطرق اللي أتخليك تستمتع بحياتك كتر ...
كاتخاف من الهضرة ديال الناس ...
ماكاتبغيش تبان مسطي أو فشكل قدام الناس؟ كاتخاف أنهم يحكمو عليك و يبعدو منك؟ عرفتي شنو؟ الناس ماكاتفكرش و ماكاتديهاش فيك كيفما كايسحابليك. تا واحد فينا ماكايعلم الغيب، ماكاتعرفش اش كاين فعقول الناس. و إيلا كنتي كتعرض للنقد و الحكم من طرف أشخاص حيت باغي تعيش حياتك و تستمتع بيها ، فخاصك تحيد هاد الناس السلبيين من حياتك. الدكتور سوس كايقول "كون اللي بغيتي تكون و قول داكشي اللي كاتحس بيه. ماتديهاش فللهدضة ديال الناس"
كتظن بلي خاصك تخسر الفلوس !
الحوايج الزوينين فالحياة كايكونو بلا
فلوس،فابور، هادي حقيقة. ماشي ضروري تمشي فشي عطلة واعرة أو تشري الحوايج بزاف باش
تستمتع. بزاف د دالمرات،كاتقدر تستمتع و نتا كالس معا ناس عزاز واخا غير فالعتبة
ديال باب الدار، و هادشي فابور، ماكايحتاجش تخسر عليه فلوس.
كاتظن بلي ماعندكش الوقت
كاين ديما الوقت باش تستمتع . ماكايهمش شكون نتايا أو شحال كاتفكر بلي ماعندكش الوقت. الاستمتاع تقدر تلقاه فأوقات عادية و صغيرة، ماشي ضروري ياخود ليك نهارك و وقتك كامل. خصص واخا غير نص ساعة فالنهار دير فيها شي حاجة كاتعجبك و ستمتع بيها.
ماشي ضروري خاصك تفكر كيفاش و امتى
غاتستمتع .
خلي فبالك بلي الاستمتاع كايجي غير هاكاك، غير متوقع، ماخاصكش كاع انك تفكر ليه امتى ولا كيفاش غايجي. خلي راسك تعيش أوقات و لحظات غير متوقعة واخا فآخر دقيقة عيش اللحظة.
كاتاخد كولشي بجدية ؟!
كيفما جيم موريسون كتب :
"تاواحد ماغايبقى عايش فهاد الدنيا
""
كاتعيش غير مرة وحدة و هاد العيشة قصيرة إذن علاش تاخد كلشي بجدية؟ استمتع بحياتك بجميع لحظاتها و عرف بلي تقدر تستمتع حتا بالحوايج الجديين فنفس الوقت.
كتظن بلي خاصو يكون مثالي !
بزاف ديال الأوقات الممتعة كاتجي ملي
كاتوقع شي حاجة ماشي هيا هاديك. ماشي ضروري انك تكون مثالي و أي حاجة كاتديرها
تكون مثالية. الإنسان غير كامل، الكمال لله سبحانه و تعالى، ماتزيرش راسك باش
تحاول ترضي الناس بالحوايج المثالية، و رخف راسك الواحد ضروري مايغلط، عيش حياتك
دابا بلي ليها قبل مايفوت الحال.
كتظن بلي الاستمتاع خاصو يكون كبير و واعر
ماشي فالنهار اللي تبغي تستمتع بيه خاصو يكون
يوم عرس أو حفلة كبيرة، بإمكانك تلقى الفرحة و الاستمتاع في أصغر اللحظات. الا
كنتي كتظن بلي الاستمتاع كايكون غير فالاوقات و الأحداث الكبيرة، عرف بلي راك غالط
و كاتحرم راسك من الاستمتاع معظم الوقت. الاستمتاع نتا اللي كاتديرو بيديك،
ماخاصوش يكون ضروري كبير و واعر.
كاتحس بالملل !
: Anhedonia
هوا واحد العرض من أعراض الإكتئاب اللي كايعني "عدم التلذذ" و اللي فيه كاتفقد الاهتمام و الحب لشي حوايج كانو كايعجبوك من قبل.
ADHD : ATTENTION DEFICIT HYPERACTIVITY DISORDER
و هوا واحد المرض آخر اللي كايعني قصور
الانتباه و فرط الحركة، كايخليك تلقى صعوبة انك دير حوايج جداد اللي تخلي دماغك
نشيط و يستمتع بيها. و من هاد الأمراض جوج المتعاكسة كانستنتجو انك ألا كنتي كاتحس
بالملل فا نتا اللي اختاريتي تحس بهاد الإحساس.
نتا الوحيد
اللي تقدر تقوم بتغييرات باش تبدل هاد الإحساس. خرج و استمتع بحياتك، ماتمرضش راسك.
تعليقات
إرسال تعليق